في البداية أصدقائي، إسكوتلندا من أجمل البُلدان اللي زرناها ..، و فعلا نفكر انها تكون المكان اللي ممكن نتقاعد فيه و نعيش بقية حياتنا. طول رحلتنا ما كنا بنشوف غير المناظر الطبيعية والجبال وحتى الناس هناك متعاونين و خدومين جدًا. فتعالوا معانا نشرحلكم رحلتنا بالتفصيل.
السيارة المجنونة:
طبعًا زي ماتعروا عننا .. اننا نحب الرحلات الطويلة بالسيارة .. و نحب التخييم. في الرحلة هذي قررنا نخلط الشيئين هذي في خلاط واحد و اخذنا سياربيت 😂 ” سيارة و بيت “. تقدر تمشينا الخطوط الطويلة اللي قررنا ناخذها و ايضا يأوينا في الليل وقت النوم و احنا مرتاحين بدون اي قلق و خوف و لفلفة علىمكان نخيم فيه، و ايضا قلق نصب الخيمة .. الخ.
قررنا إننا ناخد سيارة من “Spaceship“، نوع السيارة كان “تيوتا”، من الخارج كانت تشبه “الفان”، أما من الداخل فهي من جد مجنونة، راح تلاقي كل شي ممكن تحتاجوه للمطبخ و الطبخ، حتى البوتجاز كان موجود، كمان السيارة من الداخل كانت هي البيت الخاص بينا لعدة أيام متواصلة. لانه تم تعديلها بطريقة ذكية فكانت هي سريرنا وقت النوم و كمان هي طاولة الاكل بعد الطبيخ وكمان السينما الخاصة فينا، لانه كان فيها شاشات و مُشغل دي في دي افلام. طبعا اخذناها كاملة حتى مه الحفات، والأغطية.
سعر السيارة كان مُغري جدا ،، لعل هذا لأننا كنا رايحين في وقت غير اوقات موسم السياحة هناك، كان سعرها ١٤٠ ريال سعودي في اليوم شامل تأمين كامل على السيارة و كأنة سعر إيجار يارس في السعودية 😅.
– سعر لايمكن مقاومته
– جات كاملة مع كل شي ممكن نتوقع نحتاجة
– نظام ترفيهي كامل
– دفاية مشبوكة على بطارية منفصلة غير بطارية السيارة الاساسية
– ستائر خصوصية
– السيارة لا تحتمل العفش الكثير يعنل لو انتم من الناس اللي عفشها كثير وقت السفر ،، صدقوني ماراح تكفيكم السيارة
– البنزين غالي في بريطانيا
– احيانا الدفاية ماكانت تكفي ،، لان الجو كان شتاء و صقيع
مُخطط الرحلة:
الرحلة كانت طويلة ،، اخترنا طريق معروف اسمه North Cost 500 اي احد مُحب للرحلات الطويلة بالسيارة اكيد يعرف هذا الطريق. فعلياً يمر بمناظر خلابة و اهم المناطق الشمالية في سكوتلاند. في التالي خريطة الطريق كامل. و مايهم من فين تكون البداية لكن لو حتنتهو من نفس المكان اللي بديتوا فيه ننصح تكونو من مدينة قريب فيها مطار عشان وقت الرجوع.
بدأنا من لندن و هي مكان إيجار السيارة .. وذلك لأنها هي كانت محطة الوصول للمملكة المتحدة .. في التالي الطريق الذي سلكناه و جميع النقاط التي توقفنا بها.
الطرق صعبة و ضيقة
اكثر ما اقلقنا هو ان السواقة في المملكة المتحده بالكامل بالشقلوب .. يعني السائق على اليمين. ولكن بعد كم يوم اتعودنا و صار الموضوع سهل. الطرق هناك في رحلتنا كانت ضيقة جدا و هذا معروف عن سكوتلاند ،، ولكن ما كان امر صعب و نخاف منه .. قليل من الطُرق كانت خطيرة جدًا ولكن تجاوزناها بالحيطه و الحذر و التمهل.
لا تخاف، الأمر بسيط يحتاج منك أنك تكون سائق جيد ومصحصح.
أين أنام؟
بالنسبة لنا كنا كل ٥ او ٦ أيام نستأجر غرفة وذلك للاستحمام و شحن اجهزتنا الكهربائية خصوصا لو كنا في زيارة مدينة معينة مثل جلاسكو و ادنبره .. من الافضل البحث عن السكن الملائم لكم و الإستغناء عن عناء البحث عن مواقف سيارة لمدة ٢٤ ساعة و بدون خدمات مجاورة ” حمام مثلا “
أفضل و أحلى ما في سكوتلاند انها ذات نظام رائع بخصوص التخييم الحر .. ففور الدخول الى حدود سكوتلاند بإمكانك التخييم فعلا في اي مكان ” خارج المُدن ” بإمكانك البحث عن الموضوع اكثر بإستخدام الكلمة المفتاحية التالية ” Scotland Wild camping “، و هذا ما كنا نفعله .. او ما تبدأ الشمس بالمغيب نلجأ لإيجاد مكان مناسب لإيقاف السيارة و تشغيل الدفاية و النوم. أحيانا ان كنا في طريق سريع و بع بعض المحطات الكبيرة كنا نبيت الليله فيها ” داخل سيارتنا ” .. الموضوع كان سهالات على قولتهم.
و أحيانا بإستخدام جوجل ماب كنا نبحث عن المزارع التي توفر مكان خاص بالتخييم او مواقف سيارات الناس اللي زي حالتنا .. في التالي صور لكل اماكن المبيت اللي بيتنا فيها .. فأحيانا كنا نستيقض على اصوات العصافر و المناظر التي لا توصف الا و كأنها حُلم ،، و احيانا توقضنا اصوات الشاحنات في المحطة اللي واقفين و نايمين فيها ..
طيب و الحمام؟
السؤال الازلي الابدي اللي دايم يخطر في بال أي احد .. جوابنا هو التالي .. طالما احنا في البر .. فأي مكان بعيد عن أعين البشر هو حمام ولكن في تفاصيل و إرشادات مهمة لازم الكل يعرفها سواء عشان سكوتلاند او اي دولة في العالم:
- لا تقضي حاجتك بجانب مياة جارية ابداً
- لاتقضي حاجتك في مراعي الحيوانات أبدا!
- اتبع نظام و طريقة القطه .. إدفت ما تتركه خلفك من فضلات بشرية دائما
أفضل وقت لزيارة سكوتلاند:
أكيد هذا السؤال بيجي على بالك لو كنت تخطط للسفر هناك، ومن رأي الشخصي أن السفر فيما بين الربيع والصيف هو أفضل وقت، فيه الثلج بيكون ذاب، والشمس والجو لطاف، وتقدر تتحرك براحتك، على الرغم من أنك في بعض الأماكن هاتتفاجئ بالبرودة، لكن على الأقل أنت في هذا الوقت بتكون في أفضل وقت في العام، ولو حابب نرشحلك شهور، فممكن نقول من شهر يونيو حتى أكتوبر. احنا رحناها وقت الخريف لأننا نحب هذا لافصل .. و البرد ماكان عائق لنا بتاتا البته و ما وحهنا ثلج الا مرتبن في جلاسكو و احد القرى قبيل لندن في خط الرجوع.
اخيرا ..
آكثر ما يميز سكوتلاند هي اراضيها الشاسعه و طبيعتها اللي تاخذك لعالم آخر ..، و قصصها التاريخية اللي تبهرك. الناس هناك من اطيب ما قابلنا و اكثر الناس حباً للحديث و تبادل الثقافات ..، فلا تفوتوا هذا على نفسكم. وفي التالي بعض الفديوهات عن رحلتنا هناك
