ايش اكلنا في اندونيسيا 🇮🇩

من قبل narasaud
هذي المقالة جزء من سلسلة إندونيسيا
عرض المزيد من المشاركات

الاكل الاندونيسي من اطعم الاكلات اللي اكلناها .. ممكن بسبب طريقة التتبيله اوطريقة الطبخ او النفس !! المهم .. كثير منكم طلب مننا يجاوب على طبيعة الاكل في اندونيسيا و ايش اكلنا هناك .

في الفديو تلاقو شرح كامل عن طبيعة المطبخ الاندونيسي و هنا راح تلاقو اسماء الاكلات و كيف ممكن تقدرو تطلبو في اندونيسيا.

المطبخ الإندونيسي متأثر بكثير من الحضارات بسبب الهجرات او الاستعمال او حتى الدول المجاورة .. و لذلك نلاقي كثير من الاكلات المألوفه عندنا زي المفطحات في بونشاك و الاكل الحضرمي او جاكرتا و الاكلات العالمية زي المكرونات و السندوتشات. و لكن اندونيسيا و تجربة السفر لها لا تكتمل بدون ما ناكل الاكل الاندونيسي الاصيل.

ايش ناخذ معانا من الاكل:

فعليا ولا شي.. لانه هناك متوفر كل شيء احنا متعودين عليه. رحله وحدة لاي سوبر ماكت و بقاله ممكن تجيبو منها اي شي تحتاجوه سواء من اندومي، جبنه كاسات او كيري او حتى البقرة الضاحكه. ممكن ايضا تجيبو مرتديلا،  تونا، مربى، عيش صامولي عيش توست. كل كل كل شيء موجود. اشهر السوبرماكتات هناك هو كارفور. و اي بقاله مثل انومارت او الفا مارت ايضا تلاقو فيها ايشيء ممكن تلاقوه في اي بقالة سعودية.

الارز 🌾 :

يعتبر اهم عنصر في المأكولات الاندونيسيه و عادة ياكلوه من ٣ الى ٤ مرات يوميا  بكميات معقوله لهم و قليله  بالنسبه لنا كسعوديين. و يحضر الارز بالبخار و لا يضاف له اي زيت او ملح او تتبيلات. رز ابيض ساده.

و هذا بحكم انه الارز من اهم المزروعات عندهم في اندونيسيا فطبيعي يكون العنصر الرئيسي في اكلهم

طيب ايش ناكل يعني؟

تختلف انواع الاكلات و طريقة طبخها من جزيرة للثانيه و احيانا من مقاطعة للثانية ايضا. لذلك على حسب انتو فين راح تشوفو انواع اكل مختلفة. و لكن في اكلات موحده و نفسها من جزيرة للثانيه. خلوني احطلكم صوها و اسمائها:

  • Nasi Goreng.
  • هو ارز مقلي بالخضار و الصوص الاندونيسي ” كتشب،  احيانا يكون معاه دجاج او روبيان تختلف طريقة تقديمه من مكان الى اخر.
  • Mie Goreng.
  • مكرونه مقليه بالصوص الاندونيسي و بعض الخضار احيانا. تقدرو تقولو عليه اندومي احياناو لكن اندومي جاف من غير شربه ” مرقه “.
  • Aya Goreng.
  • دجاج مقلي على الطريقة الاندونيسيه بإستخدام التتبيله الخاصه بهم. غالباً ما يكون مخلوط مع سمبل ” صوص حار جداً ” 🔥
  • Mie Ayam.
  • شربة مكرونة بمرق الدجاج و قطع الدجاج احيانا. جدا لذيذه و تقدرو تقولو عنها اندومي بس بطريقة طبخ و تحظير امتع في الاكل.
  • Gado Gado.
  • كلمة جادو جادو معناها الخليط او المخلوط، هذي الوجبه عباره عن خليط من الخضار مع صوص زبدة الفول السوداني. ” سلطة “
  • Martabak.
  • بالعربي مطبق و تقدرو تلاقوه في جزيرة جاوه بكثره، عباره عن بيض و خضار مطبوخة في صاج مع الرقاق ” زي المطبق بالزبط “
  • Rendang.
  • عباره عن ايدام لحم في صوص سحري لا يمكن وصفة بالكلام، نادرا ما يكون مسمبل ” مفلفل ” و يتاكل مع الرز.
  • Gorengan.
  • هذا الشي المقلي طعم ولكن غالبا يكون فيه زيت كثير و ياكلوه بارد مو حار. هو عباره عن كرنب مبشور او بالمختصر نقله توفو. يعتبر سناك او وجبه خفيفه.
  • BakPao.
  • الشئ الوحيد اللي ندمنا انه ما نشبع منه و اكلناه بس مره و حد بالصدفه لما جا واحد يبيعه داخل الباص. عباره عن عجينه مطبوخة بالبخار و كأنها كيكه فعلاً، تجي حلوه او مالحة، الحلو منها يجي محشي بالشوكولاته ” تشوكلات ” او المالح يجي محشي دجاج بتتبيله خاصة ” Ayam “
  • Sate.
  • الساتي و ما ادراك ما الساتي، في كل مكان و كل حته ينشوي و ينباع، عباره عن لحم او دجاج مشوية في اسياخ صغيره و تقدم مع صوص الفول السوداني اللذيذة.
  • Ikan.
  • ايكان يعني سمك، و تقريبا عنهم نفس انواع سمكنا و طريقتهم في الطبخ هي الشوي او القلي بالتتبيلة الاندونيسيه الخاه بهم.

نصائح:

  • المطبخ الاندونيسي لا يخلو من الاكلات الحارقه و السمبل لذلك كونو حريصين تتعلمو هذي الكلمه قبل لا تطلبو اي طلب tidak pedas يعني لا يكون مفلفل 
  • في بعض الجزر ذات الاقليه المسلمه ياكلو لحوم الخنزير او يطبخو بزيت الخنزير. و لازم تعرفو ايش يعني خنزير بلغتهم و هي Babi

2 thoughts on “ايش اكلنا في اندونيسيا 🇮🇩

  • そら سبتمبر 21, 2016 at 3:46 ص Reply

    حبيت طريقة التصوير ماشاءالله ،من ناحيه الأكل صدق الأكل مالهم جناااان وحااااار من قلب 😍😍😍😍😍😍😍

  • عبود يونيو 28, 2017 at 3:31 ص Reply

    اكلهم لذيذ الايحب يغير عن الاكل العربي من كبسات …
    وفي اكلة تباع بالعربات اسمها بلا بلا ..زي مقليات… لذيذه طعم مع سمبل حار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *